Skoolkoerant – Ramkiekie
Ons lewer kwartaalliks ‘n skoolkoerant van hoogstaande kwaliteit. Die Ramkiekie het oor die laaste paar jaar al erkenning ontvang van BEELD as een van die top skoolkoerante in die streek en nasionaal.
Alle artikels word deur leerders (Graad 6 en 7) hanteer. Die koerant is ‘n spogproduk en word befonds deur adverteerders wat hul besighede in die koerant bemark. Die leerders word ‘n geleentheid gebied om hul skryf-, joernalistieke- sowel as fotografiesevaardighede ten toon te stel en bevat artikels oor gebeure binne skoolverband op Akademiese, Sport- en Kultuurgebied met verskeie interessante kompetisies, speletjies, kopkrappers en resepte.
Snoepwinkel
Die Groen Grompie – die skool beskik oor ‘n baie goed toegeruste snoep- en klerewinkel met ‘n verskeidenheid produkte. Skoolklere en sportdrag kan hier aangekoop word en jaarliks kan skoolpakkette vir skoolbenodigdhede ook hier aangekoop word.
